ONS HART
VISIE
Die akademiese visie van Filadelfia Opleidingsentrum is om studente op te lei in Christelike Pastorale Berading en Toegepaste Bybelonderrig, ooreenkomstig nasionale akademiese- en registrasie vereistes. Die praktykgerigte visie van Filadelfia Opleidingsentrum is om studente te lewer wat self in oorvloed en in oorwinning in Christus leef, asook maksimaal toegerus is om seer en stukkende mense te begelei tot innerlike genesing. Die ondersteuningsvisie van Filadelfia Opleidingsentrum is die lewering van professionele berading- en algemene fasiliteringsdienste aan kliënte tot meer effektiewe hantering van hul probleemomstandighede, innerlike genesing en daaglikse triomf in Christus.
MISSIE
In ons strewe om die visie te bereik, word die volgende kernbeginsels gevolg:
Akademiese missie:
- Interdissiplinêre benadering bestaande uit die teorie van die drie dissiplines: Teologie, Sielkunde en Maatskaplike Werk, verwerk tot 'n Teopsigo-sosiale model.
- Tweetalige Skrifgefundeerde kursusmateriaal
- Geakkrediteerde opleidingsprogramme
- Afstandonderrig en kontak-sessies bywyse van praktiese werkswinkels
- Puik administrasie van alle studente aangeleenthede.
Praktykgerigte missie:
- Begeleiding van elke berader in opleiding tot persoonlike geloofsekerheid en meer effektiewe, Skrifgefundeerde hantering van eie probleemomstandighede
- Innerlike vernuwing, persoonlike groei en ontwikkeling tot geestelik-emosionele volwassenheid in Christus van elke berader in opleiding
- Ontwikkeling van vaardighede in individuele berading, groepsberading, hantering van gemeenskapsprojekte en skrifgefundeerde pastorale entrepreneurskap.
Ondersteuningsmissie:
- Lewering van professionele beradingsdienste aan kliënte
- Fasiliteringsdienste aan kliënte deur beraders in opleiding, onder toesig en leiding van 'n gekwalifiseerde supervisor.
WIE IS ONS
Ontmoet die Filadelfia span - laai ons maatskappy profiel af.
