TUIS
VOORDELE VAN DIE FILADELFIA PROGRAM
- Ten volle gebaseer op die Woord van God.
- Vertrou ten volle op die werking van die Heilige Gees.
- Wys na Jesus Christus as die enigste Raadsman.
- Afstandsonderrig, korrespondensie(deur die pos) met eksamen op tuisdorp.
- Supervisie en begeleiding met praktiese opdragte.
- Relevante opleiding:
- Ons dosente staan almal in die praktyk.
- Alle dosente ondergaan jaarlikse voortgesette opleiding.
- Lid van/geassosieer met: Noord-Wes Universiteit, Potchefstroom Kampus, Fakulteit Teologie,The European Society for Intercultural Theology and Interreligious Studies, South African Natural Health Practitioners Board; Word in Truth Ministries International; Digest for Christian Thought & South African Association of Pastoral Workers; Council of Counsellors, HTS Theological Studies.
- Kursusse word gereeld hersien.>
- Drie interaktiewe drie-dag werkswinkels per jaar aangebied in die Paarl, Bloemfontein of Krugersdorp.
- Unieke geïntegreerde Teopsigo-Sosiale model, met deeglike teoretiese begronding, saamgestel vanuit die dissiplines van Teologie, Sielkunde en Maatskaplike werk.
- "The Southern African Association for Pastoral Work" (www.saap.za.net) erkende opleidingsinstansie.
- SANHPB (www.sanhpb.co.za) erkende opleidinginstansie.
- Hulp met registrasie om uiteindelik as professionele Christelike berader te praktieser.
- Geakkrediteer deur Miami International Theological Seminary (MINTS), en geniet Filadelfia deur MINTS registrasie met Florida State Education Department. (www.mints.edu)
- Erkenning word verleen aan Praktiese supervisie ure met oog op registrasie.
- Sertifikaat, Diploma en Graadkursusse met uitkomste op nagraadse studies.
- Gekwalifiseerde personeel waarborg hoogstaande gehalte beradings-, supervisie-, opleidings en bestuursdienste.
- Nasionaal en internasionaal erkende (tans 54 lande) kwalifikasie.
- Deel van ʼn internasionale gemeenskap van meer as 4000 studente.
- Definitiewe beroeps- en bedieningsuitkomste.
- Uiters bekostigbaar!
- Vanaf 2012 in Engels beskikbaar.
AGTERGROND
Filadelfia Opleidingsentrum het in 1994 begin as 'n ondersteuningsgroep vir dames met spanning en depressie. Vanuit die staanspoor het Filadelfia gefunksioneer as 'n interkerklike, nie-winsgewende dienswerkorganisasie. Na 'n paar jaar het verskillende vertakkinge van die werksaamhede ontwikkel waarvan die opleidingsbeen die mees prominente geword het. Dit het voortgespruit uit 'n behoefte aan opleiding van leke-beraders om diensbaar te wees in eie gesin, gemeente en gemeenskap, weens die kulminerende persoonlike-en maatskaplike probleemareas, stressors en trauma in ons land. In 1997 voltooi die eerste nege studente die eenjaar Sertifikaatkursus in Bybelse Berading wat by die Buro vir Voortgesette Onderwys van Vrystaat Technikon geakkrediteer was. Belangstelling in die kursus het vinnig toegeneem.
Vanaf die jaar 2000 is 'n tweede jaar Hoër Sertifikaatkursus in Bybelse Berading ook aangebied. In 2003 is samesprekings begin met die Teologiese Fakulteit van Noordwes-Universiteit, ons kursusmateriaal is deur hulle geëvalueer en op graadstandaard bevind. In 2011 het Filadelfia met Miami International Theological Seminary (MINTS) bande gesmee om wettiglik 'n erkende geakkrediteerde Sertifikaat, Hoër-sertifikaat, BA graad en nagraadse kwalifikasies te mag uitreik.Vandag kan ons met trots 'n unieke Christelike beradings kursus in Suid-Afrika (en internasionaal) aanbied. Filadelfia Opleidingsentrum is die enigste Christelike beradings opleidingsentrum in ons land wat geakkrediteerde Christelike Berading kwalifikasies kan aanbied wat uitloop op registrasie.Firmas in die korporatiewe mark, skole, kerke en verskillende dienswerkorganisasies begin gegradueerde Pastorale Beraders aanstel om die toenemende individuele-,algemene verhoudings-, huweliks- en finansiële krisisse aan te spreek.
Die akademiese visie van Filadelfia Opleidingsentrum is om studente op te lei in Christelike Pastorale Berading en Toegepaste Bybelonderrig, ooreenkomstig nasionale akademiese- en registrasie vereistes. Die praktykgerigte visie van Filadelfia Opleidingsentrum is om studente te lewer wat self in oorvloed en in oorwinning in Christus leef, asook maksimaal toegerus is om seer en stukkende mense te begelei tot innerlike genesing. Die ondersteuningsvisie van Filadelfia Opleidingsentrum is die lewering van professionele berading- en algemene fasiliteringsdienste aan kliënte tot meer effektiewe hantering van hul probleemomstandighede, innerlike genesing en daaglikse oorwinning in Christus.
